بعض الأمثال الشعبية الجزائرية

أمثال شعبية جزائرية
هذه بعض الأمثال الشعبية الجزائرية أرجو ان تنال إعجابكم وإن استعصت عليكم اية كلمة بإمكانكم أن تستفهموا عنها وحتى مضرب المثل:
* اللي عينو في نوار الدفلة
في الواد عامل ظلايل
واللي عينو في زين الطفلة
حتان يشوف لفعايل.
*الزين بلا فعايل يخزي مولاتو.
*أضرب الطاروسة تخاف لعروسة.
*كل خنفوس في عين أمو غزال.
*إللي أمو حية يتوسد الركبة
وإللي أمو ميتة يتوسد العتبة.
*كي تخش البيت الكبرى
خيط فمك بإبرة.
*الراعي والخماس يداقو
على حاجة الناس.
*الفاهم من غمزة
والداب من دبزة.
*جميلك علي ولا على مولى الدار.
*ياسعد من بنى يامس
كي كان الطوب يابس.
*إللي عينو في الزح
مايقول أح.
*إغروم إيغلي
إيخف إيزلي"باللهجة الشاوية".
*وين تروح
ياقاتل الروح.
*أنا نحفرلو في قبر أمو وهو هاربلي بالفاس.
*إلا عندك طفل خاويه.
*أقلب البرمة على فمها تطلع الطفلة لأمها.
*الزين مايعمر دار.
*لمن تكحلي يامرة لعمى.
*محجوبة الكلة بياعة اللبن في السوق.
*إلا عند حاجة عند الكلب قلو ياسيدي.
*بوس الكلب من فمو حتان تقضي حاجتك منو.
*إللي ماعندو لا لوحة ولا دوايا ماهامو في لقرايا.
*حليب الطلبة مايربي كلب.
*جاتني لحذاقة يا راجل
باب الدار نديرو مغازل.
*عاند وما تحسدش.
*خلاتو ممدود وراحت تعزي محمود.
*شين البقرة يغطيه حليبها.
*إذا تصالحت لعجوز والكنة
الشيطان يخش للجنة.
*صاحب الكبير تسمع الفايدة
وصاحب الصغير تسمع البايدة.
*كول اللي يعجبك والبس اللي يعجب الناس.
*في الليل زبدة وفي النهار تذوب.
*صاحب تعرفو قال نعرفو عاشرتوقال ماعاشرتوش أمالا ماتعرفوش.
*تكبري ياكنة وتولي عجوز.
*تكبري يابصلة وتولي لالة.
*دير روحك مهبول تشبع كسور.
*الفأر لخفيف من سهم القط.
*يديك للبحر ويجيبك ناشف.
*تروح للبحر وتلقاه ناشف.
*اللي جا وجاب يستاهل لفراش والجواب
واللي جا وماجاب يستاهل تحريشة من لكلاب.
*اللي جا بلاعرضة يبات بلا فراش.
*الطمع يفسد الطبع.
*ربي ولدك على الشدة ولو كان وقت الرخا.
*العلم في الراس ماشي في الكراس.
*العرس يتعرس والمشوم يتهرس.
*إلا حبك لقمر النجوم غير اتبع.
*أرضى بالمشوم اللي عندك لا يجيك مشوم الناس.
* رضيت بالهم والهم ماهو راضي بيا.
*أخدم يا صغري لكبري وأخدم ياكبري لقبري.
*الضربة تبرى والسبة عمرها ماتبرى.
*أخدم الخير وانساه واخدم الشر وتفكرو.
*الخير لوحو وراك تلقاه قدامك.
*أقتل خوك نشيخوك.
*صبر صبر كي شاف النعمة كفر.
*اللي ماقتل يسمن.
*الضربة اللي ماتقتلش تقوي.
*اللي عمرو عمرو شقا.
*الهربة تسلك.
*الوسَّادة غلبت الولاَّدة.
*الخفاش يخش مع الفار ويقلو راني معاك.
*اللي ما شبع من القصعة ما يشبع من لحيسها.
*اللي يرشك بالماء رشو بالدم.
*خششني نخرجك.
*في داري ويعاركني.
*داري مستر عاري.
*العاطي ربي.
*كاني النعش مكسر الهجاج من جهنم.
*الخبر يجيبوه التوالى.
*قلة الشي ترشي.
*مرة بي نحبها واللي في القلب في القلب.
*بات مع الدجاج تصبح تقاقي.
*خالط روحك مع الزبالة ينقبك الدجاج.
*حوحو يشكر روحو.
*سيدي مليح زادو الهوا والريح.
*ما يحس بالجمرة غير اللي عفس فوقها.
******
هذه قليل من الأمثال الشعبية الجزائرية أرجو انكم فهمتموها....

» لأمثال الشعبية الأمثال حكم الأجيال الأمثال زينة الكلام الأمثال ولائد الاختبار
» الامثال الشعبية الجزائرية المتداولة
» الأمثلة الشعبية ''الجزائرية '' المضحكة مع معناها
» من الأمثال و الحكم
» البقالات الشعبية -