الأستاذة عضو هام
الدولة : عدد المساهمات : 163 تاريخ التسجيل : 28/01/2013
| موضوع: البقالات الشعبية - الحلقة الثالثة- الثلاثاء فبراير 26, 2013 12:58 pm | |
| ...............يتبع...............
-7- -كلامنا على دارنا*****و سلامي على الغرفة حيوطها ذهب *****وبيبانها قرفة و بيرها من العسل *****و نشرب ما نكفي
***************** -8- بيني و بينك طويقة*****قد دورة الكأس الحديث بينتنا*****واش جابه للناس عرض بن آدم كارصاص ******اذا ذاب خلاص
***************** -9- جايز على باب دارنا ****يفصل في العكري ( القماش قطيفة ) قلت له يا شباب *****فصل على قدي قال لي يا خليلتي *****حتى تجي عندي نفصلك قاط من الذهب*****و نزيد من عندي
***************** -10- جايز على باب دارنا *****ينقي الوير نجة ( فصيلة من البرتقال ) اعمل بروحو عثر *****و قعد على درجة قلت له يا شباب ******آش تكون أنت قال لي أنا محمد *****بن العلجة الوجه دارة القمرة ***** و الفم بالفلجة
****************** -11-جايز على بابنا على الخامس و السادس ******لابس الذهب الصامت الناس كلهم تتكلم و هو فمه ساكت***** آش كون يجيب له سلامة ذيك الرقيبة الفاخت ( الأبيض)
******************** -12- مشيت الى باب الجنان****و عيطت يا ليلي طاحوا أغصان ذهب *****و فرشت منديلي أنا ديت المليح ****و أنتما أدوا غيري
******************** -13-مليت من هذا الخريف *****و مالاق بي شربي منين طاحوا الأوراق الأولين ****طميت أنا رجلي الليل جاني صعيب*****و النهار عذبني قولوا خويا العزيز *****يجي يرافقني
****************** -14- قاست على قدها قفطان *****قفطان زنجاري ( الأزرق الفاتح ) أصوار في يدها *****بمئة سلطاني ( العملة الجزائرية في العهد العثماني كانت تسمى بالسلطاني ) نطلب ربي الليلة *****تدخل لداري ندخل عليها و نخرج *****و أنكد عدياني **************** -15- قاست على قدها *****قاط ذهب مجبود و طلقت على خدها ******سالف أكحل ممتود كونو علي شهود ******يا أهل الفضل و الجود أنا خديم في يد لاله معبود
******************* -16-تمنيت من خالقي ****الجنة و دخلتها و المسك و العنبر *****هما تربتها و السيدة فاطمة *****تحت قبتها و الحسن و الحسين *****على ركبتها و سيدنا علي ****بسيفه قبالتها
********************** -17-كي يربع الربيع *****اللوز يفتح أزهاره و كي يعسعس الليل *****القمر يتفضح بنواره هذه الخدود يا ناس ****آش بهم عكاروا هيهات العاشق *****ما تخفى أسراره
************************ -18-رتو ذاك الشباب *****من زينه ما يلبس يسكر بالياسمين *****و يعفس في النرجس يحبط الى باب البحر ******عند باب الرايس يزيد النص في الجزائر ******و يزيد النص في تونس
************************** -19-أعلميني يا لاله نهار حمامك *****نرفد السابا و نسبق قدامك ( السابا هي قفة مصنوعة من الدوم مخصصة للحمام فقط )la sappa ندور على يمينك *****و نزيد على شمالك راني خديمك ****على طول زمانك
***************************** -20-لو كان السعود *****ينغرسوا بالعود نغرس مائة عودو عود *****في وطية وحدي لكن السعود ****في يدك يا معبود يا سقام السعود*****سقم لي سعدي الناس الكل بأحبابهم *****و أنا غريب و حدي ****************************
***********يتبع*****************
| |
|